Er du interessert i å læra å laga dine eigne hudkremar, basert på økologiske planteoljer og utan paraben? Vi vil no tilby kurs der vi lærer litt om oljer og alt som skal til. Du får med deg heim 100 g ansiktskrem og 100 g handkrem, dosert i små porsjonskrukker som skal frysast. På den måten unngår vi konserveringsmiddel i kremen, og du vil alltid ha fersk, god krem for handa.

Du er velkommen til kurs i Arna (Bergen)

Kursprisen er kr. 600, som inkluderer oppskrifter, kunnskap om råvarer, 100 g ansiktskrem, 100 g handkrem, kaffi/te, glød og skaparglede. 

Det er plass til 4 personar på kvart kurs, så det vert god tid til kvar enkelt.

Hvis du vervar 3 nye kursdeltakarar, får du kurset gratis!

Påmelding: tlf. 920 53543 eller e-post sissel@salome.no                                                                                                                                                                   

Vinnaren av gåvekort hjå Salome i oktober er Rønnaug Holmefjord! 

VI GRATULERER!

Vi ynskjer velkommen til såpekurs også i november. Såpene vi lagar treng ei modningstid på 3-4 veker, så vi rekk enno å få dei klar til julepresangar. 

Kursdagar:

Grapefruktolje er ei eterisk olje som er kjent for å verka mildt stimulerande og oppløftande på sinnet. Den er også veleigna mot stress. Bruk gjerne olja slik:

• Til massasje: 5 dråpar grapefruktolje og 3 dråpar furunålolje i 30 ml baseolje, f.eks. jojobaolje
• I badekar:      5 dråpar grapefruktolje og 3 dråpar furunålolje i litt flytande såpe eller havsalt

Furunålolje er kjent for å stimulera blodsirkulasjonen og verka muskelavslappande.

Desse oljene og doseringane er berekna på vaksne.

Lukke til!

Alle som handlar hjå Salome i oktober er med i trekninga om eit gåvekort på kr. 300, som kan nyttast i nettbutikken!

 Vi fortset suksessen med såpekurs i Arna (Bergen), og tilbyr nye kurs desse dagane i oktober:

• tirsdagar og torsdagar kl. 18.30 - 21.30
• lørdagar kl. 10 - 13

Er du interessert i å læra å laga dine eigne kvalitetssåper basert på økologiske planteoljer? Vi kan no tilby kurs der vi lagar såper på gamlemåten med olje og lut. Dette er kunnskap som har vorte formidla frå generasjon til generasjon i årtusener, og som du kan få del i og få vera med å bera vidare. Såpene vil vera modne i god tid før jul, og er eit råtips til julegåver.

Velkommen til kurs i Arna (Bergen)
torsdag 29.sept. kl. 18.30 – 21
lørdag 1. okt. kl. 10 – 12.30
tirsdag 4. okt. kl. 18.30 – 21

Kursprisen er kr. 600, som inkluderer oppskrifter, råvarer til 12 såper, såpeform, rundstykker og kaffi/te, glød og skaparglede. Det er plass til 4 personer på kvart kurs, så det vert god tid til kvar enkelt.

Hvis du vervar 3 nye kursdeltakarar, får du kurset gratis!

Påmelding: tlf. 920 53 543 eller e-post sissel@salome.no

Juli, med ferie, sol og varme! Det er dette vi har lengta etter. Så skjer det så lett at vinterbleike kroppar vert solbrente. Skulle det henda, kan det vera lurt å ha Salome Calendulaolje i hus. Hovedingrediensen er ringblom (Calendula Officinalis) som er betennelseshemmande og sårlækjande. "Officinalis" i det latinske namnet viser at det er ein legeplante. Bruk olja etter soling til både born og vaksne. Vi har den no på tilbod til kr 198,– (før kr 239,–). Tilbodet varer til og med 10. juli.

 
Calendula officinalis av Daniel Bergmann på Flickr
med CC BY-SA-lisens